Huntsville (Alabama)

Huntsville
Alministración
País	Estaos Xuníos
Estaos	Alabama
Condáu	condáu de Madison
Tipu d'entidá	ciudá de los Estaos Xuníos
Mayor of Huntsville, Alabama (en)	Tommy Battle
Códigu postal	35800–35899, 35801, 35800, 35804, 35807, 35809, 35812, 35815, 35816, 35819, 35822, 35825, 35828, 35830, 35833, 35835, 35837, 35839, 35841, 35845, 35849, 35851, 35852, 35850, 35853, 35854, 35857, 35859, 35862, 35865, 35870, 35873, 35876, 35878, 35881, 35884, 35886, 35889, 35892, 35895, 35896, 35897 y 35898
Xeografía
Coordenaes	34°42′49″N 86°35′10″W / 34.7136°N 86.5861°O / 34.7136; -86.5861
Huntsville Huntsville (los EE.XX.)
Superficie	544.919874 km²
Altitú	193 m
Llenda con	Madison (es) , Athens y Decatur (es)
Demografía
Población	215 006 hab. (2020)
Porcentaxe	100% de condáu de Madison
Densidá	394,56 hab/km²
Viviendes	86 961 (31 avientu 2020)
Más información
Fundación	1805
Prefixu telefónicu	256
Estaya horaria	Hora Estándar Central
Llocalidaes hermaniaes	Tainan
huntsvilleal.gov

Huntsville ye una ciudá del estáu d'Alabama (Estaos Xuníos). Ocupa territoriu de los condaos de Madison, de la que ye tamién sede alministrativa^[1], Limestone y Morgan. Asitiada na rexón de los Apalaches, nel norte d'Alabama, ye, colos sos 215.006 habitantes (2020^[2]), la más poblada del estáu^[3][4]. La so área metropolitana ye la segunda mayor del estáu, tres de la de Birmingham: tenía una población, en 2020, de 491.723 habitantes^[5]. Ye la mayor ciudá del área estadística combinada de Huntsville-Decatur-Albertville, qu'abarca cinco condaos^[6].

Huntsville foi fundada no que yera'l Territoriu de Mississipi en 1805, ya incorporose como villa (town) en 1811. Cuando Alabama foi almitíu como estáu, en 1819, Huntsville foi la so primer capital demientres un añu; posteriormente treslladose la capital a una zona más central del territoriu. La ciudá foi desarrollándose peles llombes asitiaes al norte del ríu Tennessee mentantu que se desarrollaba la so industria textil, a finales del sieglu XIX. El mayor crecimientu de la ciudá, sicasí, foi na dómina posterior a la Segunda Guerra Mundial. Demientres la guerra l'exércitu estableció a la so vera la base militar nomada Redstone Arsenal, con guarnición y una fábrica d'armes químiques. Les instalaciones foron usaes dempués de la guerra pa la investigación en misiles, lo que facilitó la so adaptación pal so usu pa tecnoloxíes d'esploración espacial. Nel arsenal, nel que trabayen 40.000 persones, alcuéntrense anguaño'l Centru Marshall de Vuelos Espaciales de la NASA, el United States Army Aviation and Missile Command (organismu del exércitu encargáu de l'alquisición y el mantenimientu de los sistemes aéreos, tripulaos y non tripulaos, y de misiles) y un centru de sofitu a les operaciones del FBI (qu'inclúi llaboratorios forenses, análisis de datos y vixilancia del ciberespaciu)^[7]. La ciudá foi nomada, pola revista U.S. News & World Report, como'l meyor sitiu pa vivir d'Estaos Xuníos en 2022-2023^[8].

Les ciudaes hermaniaes con Huntsville son:

• Tainan ( Taiwán)^[9]

1. ↑ Huntsville, Alabama, nel Sistema d'Información de los Nomes Xeográficos del United States Geographic Survey.
2. ↑ «QuickFacts: Huntsville city, Alabama». United States Census Bureau. Consultáu'l October 24, 2021.
3. ↑ «Madison County». Consultáu'l April 28, 2017.
4. ↑ «Huntsville set to cross Tennessee River, annex part of Morgan County». The Huntsville Times. 8 de febreru de 2018. https://www.al.com/news/huntsville/index.ssf/2018/02/huntsville_set_to_cross_tennes.html. Consultáu'l 30 de mayu de 2022. 
5. ↑ 2020 Population and Housing State Data, na web de la Oficina del Censu.
6. ↑ «Metropolitan and Micropolitan Statistical Areas Population Totals: 2010-2018». U.S. Census Bureau, American Factfinder. Consultáu'l September 13, 2019.
7. ↑ The FBI at Redstone, na web de la Oficina Federal d'Investigación.
8. ↑ «Best Places to Live in the U.S. in 2022–2023». U.S. News & World Report.
9. ↑ «Introduction of Tainan’s Sister/Friendship Cities». Consultáu'l 8 xunetu 2017.